Ish-presidenti i Kosovës Hashim Thaçi, sot i mbush 54 vjet.
Ai ka lindur më 24 prill të vitit 1968 në fshatin Burojë të Skenderajt.
Kjo është ditëlindja e dytë e tij që është larg familjes, miqve dhe dashmirëve, pasi që ai gjendet në Hagë që nga nëntori i 2020-tës.
Thaçi qysh në rini ishte aktiv në rezistencën ndaj okupatorit serb.
Ish-kreu i shtetit ka udhëhequr procese të rëndësishme për lirinë dhe pavarësinë e Kosovës.
Hashim Thaçi, si drejtor politik i Ushtrisë Çlirimtare të Kosovës, u shndërrua në një nga protagonistët kryesor të “Marrëveshjes së Rambujesë” dhe marrëveshjeve të tjera që sollën lirinë e Kosovës.
Thaçi, sa ishte kryeministër më 17 shkurt të vitit 2008 e shpalli edhe pavarësinë e Kosovës, njofton Klankosova.tv.
