Një ditë pas fitores së Pendarovskit, Zaev shuplakë BDI-së: Mos u lavdëroni shumë!

Kryeministri Zoran Zaev tha se politikanët nuk disponojnë me votat e qytetarëve, duke u përgjigjur në pyetje gazetarese nëse Pendarovskit ja kanë sjellur fitoren votat e BDI-së, siç ka pasur deklarata nga përfaqësuesit e kësaj partie, transmeton Gazeta Lajm.
“Të mos lavdërohemi shumë (Zaev maqedonisht e ka përdorë termin paksa ofendues për BDI-në duke thënë ‘да не се чаталиме многу’), askush nuk i mban në xhep votat e qytetarëve, as politikanët, as partitë. E pamë se në zgjedhjen e presidentit patën ndikim votat e të gjitha grupeve etnike dhe gjitha partive dhe Stevo Pendarovski do të jetë president i gjithë qytetarëve. Falënderoj edhe të gjithë votuesit e Blerim Rekës dhe dy partive opozitare që i liruan votuesit të dalin dhe të votojnë dhe të zgjedhim president”, tha Zaev pas shënimit të Ditës së gjuhës maqedonase në Qeveri.