Të paktën një person ka mbetur i vdekur mbrëmë në qytezën Stolac, pasi që tërmetit goditi Bosnje Hercegovinën
Këtë e ka konfirmuar për klix.ba banorja e këtij qyteti Alma Çerkezi.
Mjekët u befasuan, ky ilaç heq shpejt dhimbjen e kyçeve!
Ajo ka thënë se një kushërirë e saj ishte vrarë pasi që një gurë ka rënë në shtëpinë e saj.
“Shkova për të fjetur kur gjithçka filloi të lëvizte. Nuk kam ndjerë kurrë në jetën time një tërmet të tillë, gjithçka që ishte në rafte ra në dysheme”, tha ajo për portalin boshnjak.
Pas tërmetit ajo ka kontaktuar me familjarët e saj të afërt. Më pas ajo mësoi së në shtëpinë e fqinjit të saj kishte rënë një gurë e ku kishte vrarë kushërirën e saj.
Gjithashtu, në bisedë më të tjerët mësohet se disa shtëpi janë shkatërruar, ku i janë çarë muret dhe çatitë.
Sipas Qendrës së Shëndetësisë në Stolac ka shumë të lënduar dhe për momentin nuk dihet numri i saktë.
Në Lubinjë ndërkaq thuhet se ka dëmtime të mëdha të objekteve dhe makinave, gjë që shihet edhe me thyerjen e xhamave të tyre. Por, shumica e njerëzve nuk kanë pasur lëndime të mëdha. /GazetaExpress/
