Nipi i diktatorit Enver Hoxha kërkon lirinë në Gjykatën e Lartë. Ermal Hoxha, i dyshuar si një nga anëtarët e rrjetit të trafikut të kokainës që përpunohej në laboratorin e Xibrakës, i ka bërë rekurs vendimit të Apelit për Krimet e Rënda që vendosi “arrest në burg” ndaj tij.
Lajmi konfirmohet nga burime zyrtare të Gjykatës së Lartë, si dhe nga vetë avokati mbrojtës i të dyshuarit Hoxha, raporton “Panorama”.
Rekursi është depozituar në gjykatë në 24 shkurt dhe mban si objekt “kërkesë për vleftësimin arrestimi dhe caktim mase sigurie”. Ermal Hoxha kërkon deklarimin e paligjshëm të arrestimit në kushtet e flagrancës dhe lirimin e tij nga qelia.
“Në Gjykatën e Lartë do të kërkojmë ndryshimin e masës së sigurisë nga “arrest në burg” në “detyrim për paraqitje”, deklaroi avokati Asaf Hadëraj.albeu.com
