Moti sot do të jetë i paqëndrueshëm me vranësira dhe reshje lokale, herë pas here më të dendura, me mundësi për bubullima të rralla. Në zonat më të larta reshjet do të kthehen në borë, ndërsa në male pritet shtresë e re bore. Do të fryjë erë e lehtë deri mesatare.
Temperaturat do të lëvizin nga 2 deri në 15°C.
Në Shkup do të ketë mot me vranësira dhe reshje të herëpashershme, me mundësi për bubullima në disa zona. Temperatura nga 5 deri në 13°C.
Në ditët në vijim, moti mbetet i ndryshueshëm dhe më i freskët, me reshje të dobëta shiu. Të shtunën priten bubullima të izoluara, ndërsa në zonat e larta shi dhe borë, në male borë. Do të fryjë erë mesatare deri e fortë nga veriu. Të hënën moti stabilizohet përkohësisht, ndërsa nga e marta rikthehen reshjet.
