Kasami viziton Daut Memishin në Tearcë: Do të punojmë bashkë për të mirën e qytetarëve
Kryetari i Komunës së Tetovës Bilall Kasami, sot e ka vizituar kryetarin e ri të Komunës së Tearcës, Daut Memishi, të cilit i ka dëshiruar mandat dhe punë të suksesshme.
Kasami njofton se me Memishin kanë diskutuar për projektet e përbashkëta, si dhe shprehet i bindur se ai do ta çonë përpara Komunën e Tearcës.
“Tearca zgjodhi rrugën e zhvillimit, Daut Memishi është garantuesi i kësaj rruge. Sot me kënaqësi vizitova Komunën e Tearcës, për t’i uruar kryetarit të saj të ri, mikut tim Daut Memishit, mandat të mbarë e me shumë suksese”.
“U dakorduam të punojmë bashkë, si dy komuna fqinje, për të mirën e qytetarëve tanë. Jam i bindur se Dauti di dhe mundet ta çojë përpara këtë komunë, drejt zhvillimit dhe mirëqenies, infrastrukturës moderne dhe pastërtisë”, ka shkruar Kasami në Facebook, pas takimit me Daut Memishin.
