Ka ushqime që mund t’i shijoni pa asnjë pendim pasi nuk do të lënë gjurmë në belin tuaj për sa kohë që pjesën tjetër të kohës mbani një dietë të ekuilibruar dhe ushtroni rregullisht.
Shalqiri
Shumica e frutave nuk kanë shumë kalori dhe ju mund të konsumoni shalqi sa herë të doni dhe sa të dëshironi.
Është i pasur me ujë dhe ndihmon tretjen tonë si dhe djegien e kalorive. Përveç kësaj, përmirëson cilësinë e lëkurës.
Në përgjithësi, rekomandohet një deri në dy porcione në ditë. Mund ta hani të freskët si dhe në formë të ‘smoothie’.
Sallatat
Perimet në formë sallate do të mbajnë nën kontroll nivelet e sheqerit në gjak dhe do të rrisin ndjenjën e ngopjes.
Lakra, spinaqi, brokoli dhe lulelakra, janë aleatë të njohur në luftën kundër peshës së tepërt. Janë të pasur me lëndë ushqyese dhe janë shumë të shëndetshme.
Farat
Farat e kungullit dhe lulediellit janë plot me lëndë ushqyese dhe bëjnë mrekulli për shëndetin tuaj.
Ato mund të konsumohen në mëngjes ose në darkë dhe janë një shtesë e shkëlqyer për sallata, bollgur ose ‘smoothie’.
Kanë kalori të ulëta dhe janë një burim i mirë i yndyrave të shëndetshme dhe mikronutrientëve, kështu që mund të merren çdo ditë.
Bonusi është se do t’ju mbajë të ngopur.
Kokoshkat
Mund të habiteni që kokoshkat janë në këtë listë, por po, ato mund të konsumohen edhe pa frikën e shtimit në peshë nëse nuk i shtoni gjalpë dhe shumë kripë. Kokoshkat nuk kanë shumë kalori, por kanë një përmbajtje të lartë fibrash.
Përveçse shtypin oreksin, ato forcojnë ndjenjën e ngopjes më shumë se ushqimet e tjera të njohura.
Amaranti
Drithërat janë gjithashtu të shëndetshme dhe amaranti është ndër më të spikaturit.
Është pa gluten, me pak kalori, një burim i shkëlqyer hekuri dhe kalciumi dhe mund të konsumohet çdo ditë.
