Në një objekt hotelierik në fshatin Sllupçan, mbrëmë rreth orës 00:30 nga ana e Sektorit për Punë të Brendshme në Kumanovë në koordimin me policinë e krimit pranë MPB-së, është realizuar aksion kontrollues.
Kontrollet janë kryer me plan të përgatitur më herët, për shkak të dyshimeve se në objekt ka shtetase të huaja të cilat punojnë në objekt dhe se në të njëjtin objekt kryehen veprimtari joligjore, përcjell Telegrafi Maqedoni.
Policia informon se në objekt janë kapuar 9 femra, prej të cilave 3 nga Maqedonia dhe 6 nga Shqipëria dhe Kosova, të cilat njëkohësisht edhe janë arrestuar.
Gjatë këtij aksioni janë konfiskuar edhe 33 mijë denarë, 90 euro dhe 100 denarë të Serbisë.
