Ministri i Shëndetësisë Venko Filipçe në konferencën e sotme për shtyp njoftoi se së bashku me Komisionin për Sëmundje Ngjitëse kanë propozuar deri tek Qeveria masat e reja.
“Sipas analizave dhe projekteve të fundit, vendi jonë me sukses po amortizon përhapjen e pandemisë. Kemi rritje lineare të numrit të pacientëve. Sistemi shëndetësorë me sukses po përballet tretmanin e të infiktuarve. Analizat e fundit flasin se janë krijuar kushte për lehtësim të masave restriktive për lëvizje duke ngritur masat për mbrojtje personale”-tha mes tjerash Filipçe.
-Ora policore çdo ditë punë të fillojë nga ora 19:00.
– Për qytetarët e moshuar mbi moshën 67 vjeçe të mund të lëvizin nga ora 08:00 e mëngjesit deri në 12:00 në mesditë.
– Të rinjtë deri në moshën 18 vjeçe të lëvizin nga ora 13:00 deri në 16:00.
-Ora policore gjatë vikendit të fillon nga ora 13:00 të shtunën deri në ora 05:00 të hënën.
-Mbetet ndalesa për mbledhje-grupim të qytetarëve. Qytetarët do të duhet të mbajnë mjete për mbrojtje personale në hapësirat e mbyllura por edhe në hapësirat e hapura në rast se nuk mund të realizohet distanca sociale prej dy metra.
