Valdrin Selmani nga Zagraçani i Strugës është pianisti dhe muzikanti shumë i talentuar, dhe këtë ai e ka dëshmuar shpesh herë me performancën tij kudo ku ai merr pjesë nëpër eventet kulturore artistike shqiptare, shkruan Struga Ekspres.
23 vjeçari Valdrin Selmani shkollën e mesme të muzikës e ke kryer në Strugë me sukses të shkëlqyer, i cili premton se një ditë me siguri do të kap majat e larta të muzikës duke luajtur në piano.
Djaloshi nga Zagraçani është gjithmonë pjesë e mbrëmjeve të mëdha artistike në Strugë dhe më gjerë, madje edhe në Zvicër.
Ai ka bashkëpunuar me këngëtarët më në zë në Strugë, Leonora Ajdarin dhe Guximtar Rushanin dhe shumë këngëtar të tjerë të cilët vlerësojnë lartë talentin dhe profesionalizmin e Valdrin Selmanit.
Valdrin Selmani është një nga më të kërkuarit nëpër mbrëmjet muzikore shqiptare, aty ku kënga popullore e mirëfilltë shqiptare realizohet me mjeshtëri nga duartë e 23 vjeçarit duke luajtur në piano.Është i pranishëm edhe në gëzimet familjare, nëpër ahengje dhe dasma.
Ai vazhdimisht ftohet nga mërgimtarët shqiptarë strugan që jetojnë në Zvicër duke performuar shkëlqyer nëpër lokale me pianon e tij, ata argëtohen dhe ndjehen shumë mirë kur dëgjojnë muzikën djaloshit 23 vjeçar madje vlersojnë lartë talentin e Valdrin Selmanit.
(Struga Ekspres)
