Mbrëmjen e djeshme, vajza e artistit Robert Aliaj, Gala u shpall fituese e “The Voice Kids” në Belgjikë.
Ajo spikati nga konkurentët e tjerë, jo vetëm për stilin e veçantë, por edhe për performancat e saj të kompletuara. Gala përveç se këndonte, kërcente, gjithashtu dhe performonte plot energji.
Mirëpo, një detaj që ka marrë vëmendjen e të gjithëve mbëmjen e djeshme, është se gjatë kohës që bukuroshja performonte, kamerat kanë pikasur në dorën e saj një unazë. Kjo e fundit nuk ishte krejt e zakonshme, por patriotike me shqiponjën dykrenare në ngjyrë të zezë.
Shqiptarët janë ndjerë dyfish krenarë për Galën jo vetëm se nderoi vendin e saj, por sepse ky gjest foli shumë për dashurinë që ka ajo ndaj vendit të origjinës.
