Lideri i Aleancës së Shqiptarëve, Zijadin Sela, në emisionin “Top Tema” ka thënë se nëse ai nuk do t’i jepte mbështetje kryeministrit Zoran Zaev për formimin e qeverisë, atëherë Zaev do të ishte në burg nga regjimi.
“Unë di të jem i sinqertë dhe të mbaj fjalën. Qesharake më duket, por edhe tragjike, Zaev shkon në Gostivar dhe me kokën lartë e me disa shenja në fytyrë, kërkon mbështetje. Nuk e di a është i vetëdijshëm se Sela ka plagë në trurin e tij, edhe më të tmerrshme se sa ato që ai i ka në fytyrën e tij. Si politikan, sjellja e tij është në rregull, por jo si njeri”, ka thënë Zijadin Sela duke komentuar mbi mbështetjen që LSDM-ja po i jep BDI-së në zgjedhjet lokale.
