Schalke fiton,Real Madrid kualifikohet

Schalke e filloi më mirë takimin, pasi në minutën e 20-të, Christian Fuchs, kaloi në epërsi skuadrën e tij. Mirëpo vetëm 5 minuta më vonë, Ronaldo barazoi rezultatin në 1-1.
Mysafirët nga Gjermania nuk u ndalen dhe vazhduan të tregojnë lojë të mirë në Santiago Bernabeu.
Kështu, Klaas Jan Huntelaar arriti që ta ri-sillte në epërsi skuadrën e tij, por ishte përsëri Ronaldo ai që solli barazimin pak para se të përmbyllej pjesa e parë.
Tetë minuta pas fillimit të pjesës së dytë, Karim Benzema, solli për herë të parë vendasit në epërsi.
Por për befasinë, u kujdesen Leroy Sane dhe Huntelaar, me golat e tyre në minutat 57’ dhe 84’, duke bërë gjermanët të shpresonin për në kualifikim në çerekfinale.
Por, edhe pse patën raste të shumta, gjermanët ndonëse fituan këtë ndeshje, u diskualifikuan për shkak të rezultatit të përgjithshëm, 5-4.(Tika Taka)