Mediumet opozitare maqedonase shkruajnë se ish ministri i punëve të brendshme, Mitko Çavkov, deputetët e kësaj partie Sasho Vasilevski, Krsto Mukovski dhe Luben Arnaudov, dhe përfaqësues tjerë të kësaj partie, janë duke “mërdhirë” në burgun e Shutkës, transmeton Express.
“Qeli përplot me myk, dritare të viteve 80-ta nga shekulli i kaluar që nuk funksionojnë dhe vetëm dy orë ngrohje brenda 24 orëve edhe atë një orë në mëngjes, një orë në mbrëmje edhe pse jashtë temperaturat janë në minus. Të mërdhirë dhe nën presion psikologjik janë të arrestuarit për 27 prillin, mes të cilëve janë edhe opersiti Igor Durllovski, aktori Vllado Jovanovski, regjisori Boris Damovski, arkitekti Bogdan Ilievski, ish ministri i brendshëm, Mitko Çavkov, deputetët Sasho Vasilevski, Kërsto Mukovski dhe Luben Arnaudov dhe dhjetëra të tjerë që do të dëshmojnë pafajësinë e tyre”.
“Informatat deri tek të cilat kemi arritur tregojnë se qëndrimi në burgun hetues është maltretim i vërtetë. Nuk ka ngrohje, por nuk ka as mundësi për doreza, kapela ose shall për të arrestuarit. Një pjesë e familjarëve të arrestuarve veçmë kanë tentuar të ju dërgojnë të afërmve të tyre veshje të ngrohta por kjo nuk u është lejuar nga drejtori e burgut. Në hapësirat e burgut ka filluar të paraqitet edhe akull për shkak të temperaturave të ulëta, kurse janë prezente edhe sëmundje të shpeshta dhe viruse”./Express/
