Diena Karanxha 30 vjeç dhe e bija 8 vjeçare Eisela dhe e ëma e Dienës fatkeqësisht mbetën viktima në tërmetin e 26 nëntorit.
Vogëlushja ndërroi jetë nën gërmadha, ndërsa e ëma ndonësë u nxorr e gjallë nuk mundi dot t’i mbijetojë plagëve duke u shpallur e vdekur në spital.
Dhe ditën e djeshme nëpërmjet një video-live në programin “Rudina”, Amarda Toska rrëfeu mes lotësh momentin kur ka marrë kërkesën e babait të Dienës në dyqanin e saj.
“Ditën e mërkurë, pas asaj trauma, mësova se në dyqan kanë ardhur për të blerë fustane nusërie. Ngela një moment. Thashë kush është ai që po mendon për dasmë tani në këtë ditë të trishtë. Vajzat e dyqanit më thanë se nuk bëhej fjalë për një klient të zakonshëm, bëhej fjalë për Dienën dhe vajzën e saj. Në dyqan kishte ardhur babai i Dienës. Porosia e babit shkoi në vend. Donte të varroste bashkë 3 breza. Ishte shokuese”: ka rrëfyer Ami mes lotësh në programin e pasdites në Tv Klan.
