Është gjetur i vdekur i zhdukuri nga Velesi që para dy ditësh. Nga MPB kanë thënë për Press24 se ai ka dalë nga autostrada “Miqësia” në afërsi të liqenit Mlladost.
Dje në ora 15:45 në MPB- Veles është raportuar se në autostradën “Miqësia” në drejtim nga Shkupi për në Veles rreth 1400 metra pas liqenit “Mlladost” është gjetur automjeti tip Ford Focus me targa të Velesit i cili kishte dalë nga rruga. Në aksident, nga lëndimet e marra ka ndërruar jetë shoferi P.D.(59) nga Velesi, i cili me datë 06.12.2023 është raportuar nga nipi i tij se është larguar nga shtëpia. Vdekjen e ka konstatuar mjeku i Emergjencave Mjekësore-Veles, ndërsa nga ana e prokurorit publik dhe ekipit inspektues nga SPB-Veles kanë bërë kontroll të vendit, njoftojnë nga MPB.
