Ministri i Shëndetësisë, Venko Filipçe, gjatë një konference për media deklaroi se situata me koronavirusin në vend po shkon drejt normalizimit, pasi ka filluar të ulet numri i të të infektuarve dhe kontrolleve në spitalet e vendit, përfshirë edhe Klinikën Infektive. Filipçe gjthashtu shtoi se në qytetin e Tetovës, situata epidemiologjike po stabilizohet pasi për momentin po kurohen 90 pacientë, kundrejt 120 sa ishin më parë.
Sinkron: Venko Filipçe, Ministër i Shëndetësisë
“Me rëndësi është që të theksohet se ulja e numrit të të infektuarve po shënon rënie. Dje kishim diku 490 raste që do të thotë, nën 500. Po ulet edhe numri i kontrolleve nëpër spitale. Një nga indikatorët më të mëdhenj janë kontrollet në Klinikën Infektive. Nuk kemi numër të madh të pacientëve të hospitalizuar as në Spitalin e Tetovës, momentalisht kemi 90 pacientë përkundër 120 sa ishin më herët. Ashtu që të gjitha këto parametra flasin se situata po përmirësohet dhe këto janë shenja të mira”
Kreu i Shëndetësisë theksoi se të gjithë personat e rinj të cilët kanë humbur jetën në ditët e kaluara si pasojë e koronavirusit kanë qenë të pavaksinuar. Në mesin e tyre kishte të rinj të moshës 15 dhe 24 vjeçare, janë mjekuar në spital, por mjekët nuk kanë arritur t’ua shpëtojnë jetën për shkak të komplikimeve nga sëmundja.
Venko Filipçe, ministër i Shëndetësisë
“Vaksina Pfizer është e rekomanduar edhe për fëmijë prej 12 deri në 18 vjeç. Tani apeli është për qytetarët mbi 18 vjeç. Dëshirojmë që përfshirjen ta zgjerojmë. Të gjithë të rinjtë të cilët kanë vdekur ndërsa për të cilët u diskutua në opinion, të gjithë janë të pavaksinuar”
Ndërkaq, Filipçe tha se doza e tretë do të rekomandohet për personat me imunitet të dobët, por siç tha ai, rekomandimi është se duhet të kalojnë gjashtë muaj nga doza e dytë, që të fillohet imunizimi me dozën e tretë- booster doza ose doza përforcuese. Autortetet shëndetësore ende janë në pritje të rekomadimeve zyrtare, dhe se për momentin kompania Fajzer, me të cilën kanë pasur takim u kanë thënë se ka gjasa të mëdha që ata të rekomandojnë dozën e tretë.
Venko Filipçe, ministër i Shëndetësisë
“Komiteti ynë për imunizim i pret pikërisht rekomandimet zyrtare për atë pjesë. Doza përforcuese tashmë rekomandohet zyrtarisht për pacientët me imunitet të dëmtuar, ata që janë në dializë kronike, por duhet të kalojë një periudhë prej gjashtë muajsh”
Numri një i Shëndetësisë gjithashtu njoftoi se analizat tregojnë se mirë po zhvillohet procesi i vaksnimit me personat në moshë, ndërsa tani aksenti është të vaksinohen të rinjtë, pasi ata janë personat të cilët e shpërndajnë më shumë virusin. Linda Ebibi /SHENJA/
