Kryetari i Prizrenit që është nga PDK, Shaqir Totaj, dekoroi kryetarin e Bashkimit Demokratik për Integrim (BDI), Ali Ahmeti, me titullin “Qytetar Nderi” i Prizrenit, gjatë një ceremonie që u zhvillua të martën në kuvendin komunal të kësaj komune, pikërisht në përvjetorin e demonstratave të 2 prillit 1981.
Në ceremoninë e ndarjes së çmimit, ku nuk munguan zyrtarë institucionalë në Shkup e Prishtinë, kreu i BDI-së shprehu mirënjohje për Prizrenin, ndërsa shtoi se këtë titull ia dedikon të gjithë veprimtarëve të çështjes kombëtare, respektivisht bashkëluftëtarëve Ushtrisë Çlirimtare të Kosovës (UÇK).
