Kryetari i Komunës së Strugës përkrah të rinjtë e talentuar
Kryetari i Komunës së Strugës, z. Ramis Merko dhe kordinatori i projektit “ToCulter” z. Arbrim Pollozhani, sot mirëpritën vëllezërit Borova, realizuesit e njërës nga komponentët përbërëse të projektit ToCulter si platformë për promovimin e qytetit turistik të Strugës.
Në takim vëllezërit Borova iu faleminderuan Kryetarit që ua besoi atyre projektin në fjalë dhe theksuan vlerësim për përkrahjen e pakushtëzuar të kryetarit ndaj të rinjve për të promovuar vlerat e qytetit tonë.
Në takim kryetari theksoi se është i gatshëm që të përkrah çdo projekt dhe çdo iniciativë që vjen nga të rinjtë të talentuar, ndër tjerash theksoi se Kryetari e don Strugën siç e do çdo qytetar tjetër dhe do vazhdojë të punojë për Strugën që e duam të gjithë.
Kryetari në shenjë mirënjohje u dhuroi vëllezërve Borova një dhuratë simbolike, pikturë nga Struga e bukur.
Zyra për marrëdhënie me publikun,
Komuna e Strugës
