Dy deputetë shqiptarë janë në listën e Prokurorisë Speciale dhe të Prokurorisë së përgjithshme, të cilët së shpejti mund të përfundojnë në pranga.
Siç mëson INA, dy deputetë janë duke u hetuar nga ana e Prokurorisë Speciale, ndërsa njëri nga ana e Prokurorisë së Përgjithshme.
Janë pista të ndryshme të hetimeve që kanë vënë në shënjestër veprimet e tyre në të kaluarën e afërt, por edhe në të kaluarën, pasi që njëri prej tyre dyshohet se ka qenë edhe në përbërjen e kaluar parlamentare.
Nga Prokuroria Speciale nuk japin detaje dhe emra, duke theksuar se e gjithë ajo që është publike, tashmë është e njohur për opinionin se kush janë të akuzuarit dhe ndaj kujt po zhvillohen procese. Andaj siç thonë nuk mund të japin emra.
Ndërsa në Prokurorinë e Përgjithshme po zhvillohen hetime ndaj dy deputetëve shqiptarë lidhur me ngjarjet e 27 prillit, pasi që hetimet kanë përfshirë mbi 150 persona, ku së fundi 36 përfunduan me aktakuza. Prokuroria po zhvillon hetime intensive në forma të ndryshme për mundësinë e kapjes së ndonjë deputeti tjetër që dyshohet se është involvuar në këto ngjarje të dhunshme ku më së keqi përfundoi kryetari i ASH-së, Ziadin Sela dhe kryetari i LSDM Zoran Zaev. Ndaj grupit të parë të arrestuar dhe paraburgosur është shqiptuar masë paraburgimi me dyshimin e kryerjes së veprës terrorizëm ndaj institucioneve dhe rendit kushtetues institucional. (INA)
