Lideri i ASH Ziadin Sela i pyetur se pse nuk emërohet ministri i shëndetsisë dhe se me këtë vonohen reformat në shëndetësi ka thënë se është kryeministri Zoran Zaev ai i cili krijon vonesa.
“Unë nuk jam kryeministër dhe nuk më takon mua që të thirr kabinetin qeveritar dhe të caktoj ministra , por kjo është detyrë e kryeministrit Zoran Zaev i cili po bën vonesa në këtë drejtim . Sa i përket ASH ne jemi të gatshëm që me një mbledhje të kryesisë qendrore të caktojmë emrin e ministrit të ri sepse kemi kuadro të shëndosha që do të na përfaqsojnë shumë mirë dhe do të dalim faqebardh ashtu siç dolëm me Arben Taravarin”, ka thënë Ziadin Sela, lideri i Aleancës për Shqiptarët,përcjellë Struga Ekspres.
