Bletaria “ISMAILI” nga fshati Frëngovë vazhdon të dëshmojë cilësinë dhe suksesin e saj, duke rrëmbyer sërish medaljen e artë në një garë ndërkombëtare, kësaj radhe në Brçko të Bosnjë-Hercegovinës.
Në këtë aktivitet morën pjesë mbi 400 bletarë, ndërsa bletaria nga Frëngova arriti të renditet mes më të mirëve, duke u vlerësuar me medaljen e artë.
Ky sukses është një tjetër dëshmi e punës së përkushtuar, kujdesit dhe profesionalizmit në kultivimin e bletarisë, por edhe një krenari për Frëngovën dhe gjithë Strugën.
Bletaria “ISMAILI” vazhdon kështu të prezantojë me dinjitet emrin e saj edhe përtej kufijve, duke dëshmuar se puna cilësore dhe përkushtimi shpërblehen.
(Struga Ekspres)
