MOS TË PRESIM TË NDODHË NJË TJETËR TRAGJEDI!
Ajo që po shohim pranë Urës së Drinit të Zi është serioze dhe nuk mund të injorohet.
Struga ka përjetuar një tragjedi ku humbën jetën tre njerëz. Sot, përsëri kemi një situatë që kërkon reagim të menjëhershëm.
Ku është Kryetari i Komunës, Mendi Qyra?
Kur Forumi Rinor i BDI-së në Strugë ndërmori nismën për sanimin e shtyllave elektrike, Komuna kërkoi që të ndalohej, me arsyetimin se institucionet kompetente do të merreshin me problemin.
Por sot, çfarë është bërë?
Qytetarët nuk kanë nevojë për fotografi dhe promovime. Kanë nevojë për zgjidhje.
Kryetar, përgjegjësia është të reagoni para se të ndodhë tragjedia, jo të kërkoni fajtorë pasi ajo të ndodhë.
Struga nuk ka nevojë për një tjetër tragjedi. Ka nevojë për përgjegjësi dhe veprim!
Faton Pollozhani-Kryetar i BDI-së në Strugë
