Dy policë dhe dy ushtarë profesionistë kanë përfunduar nën pranga, pasi kanë gjuajtur me armë në një dasmë në fshatin Debresh të rajonit të Prilepit.
Rasti ka ndodhur gjatë ditës së sotme, ndërkaq arrestimi është bërë nën arsyetimin se të njëjtit duke gjuajtur me armë, kanë kryer veprën penale “shkaktim të rrezikut të përgjithshëm”, transmeton TV21.
“Janë identifikuar më shumë persona të cilët kanë gjuajtur me armë në aheng dhe për të gjithë do të parashtrohen shkresa përkatëse. Dy nga ata janë nëpunës policorë: N.I.(28) dhe E.I.(28) nga DPB Prilep, kurse dy janë ushtarë profesionistë B.H.(26) dhe I.R.(23), ndërkaq të tjerët janë banorë të fshatit Debresh dhe Sazhdevë të Krushevës. Janë kryer shtatë bastisje, ku janë kapur armë të ndryshme të cilat janë përdorur për të kryer veprën penale”, qëndron në njoftimin e MPB-së.
