Sot mbaron obligimi për pajisje të detyrueshme dimërore në makinë, që është vendosur me 15 nëntor të vitit të kaluar, transmeton Alsat. Nga Lidhja Auto-Moto e Maqedonisë njoftojnë se trafiku në rrugët shtetërore po zhvillohet pa pengesa nëpër rrugë kryesisht të thata.
Intensiteti i trafikut në rrugët jashtë zonave urbane është i moderuar. Në pikat kufitare, në anën maqedonase, nuk ka vonesa për hyrje dhe dalje nga vendi. Rekomandohet shpejtësia e rregulluar, respektimi i sinjaleve të vendosura në trafik dhe menaxhimi i kujdesshëm i automjeteve, veçanërisht në rrugët përmes luginave, lumenjve dhe grykave, ku ekziston mundësia e rrëshqitjes së dheut. Kjo veçanërisht u referohet seksioneve Katlanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
