Reshjet e borës gjatë ditëve të fundit kanë vështirësuar qarkullimin nëpër rrugët e Kosovës, kjo ka bërë që të shkaktohen rreth 100 aksidente rrugore, por fatmirësisht pa viktima në njerëz.
Gjatë 48 orët e fundit në Kosovë kanë ndodhur 97 aksidente trafiku, ku 74 prej tyre janë me dëme materiale, ndërsa në 23 aksidente ka pasur edhe persona të lënduar, por asnjë me fatalitet. Këtë e ka bërë të ditur për Gazetën Tribuna, Baki Kelani, zëdhënës i Policisë së Kosovës.
Sipas Kelanit të gjitha rrugët në Kosovë janë të qarkullueshme në përjashtim të magjistrales Pejë – Kullë – Rozhajë që për momentin është e bllokuar.
Vështirësi në qarkullim ka edhe në zonat e thella malore.
Kelani bën thirrje tek qytetarët të kenë pajisjet dimërore për veturat dhe të kenë kujdes të shtuar në orët e hershme të mëngjesit dhe në mbrëmje, ngase sepse tij, ngricat në këto kohë janë më të evidentuara.(Gazeta Express)
