Të nderuar banorë
Ju lutem me mirëkuptim dhe përgjegjësi të mos abuzoni me ujin e pijshëm. Si pasojë e keqpërdorimit të tepërt, rezervuari zbrazet dhe shumë familje mbesin pa ujë pikërisht në orët kur kanë më së shumti nevojë.
Në këto temperatura të larta është e papranueshme që uji i pijshëm të përdoret për vaditjen e parqeve, e aq më tepër të livadheve. Uji i pijshëm është për nevojat themelore të njeriut dhe duhet të përdoret me përgjegjësi.
Ju lutem të kemi respekt edhe për punëtorët. Zbrazja e rezervuarit ndodh pikërisht në periudhën kur ata kthehen nga puna dhe është e domosdoshme që çdo shtëpi të ketë ujë në atë kohë.
Edhe një herë ju kërkoj bashkëpunim, mirëkuptim dhe ndërgjegjësim, që askush të mos vuajë mungesën e ujit të pijshëm për nevojat më elementare.
Njëkohësisht ju njoftojmë se do të zhvillohen kontrolle pa paralajmërim. Çdo zorrë (cef) që do të gjendet e lëshuar për ujitjen e parqeve apo livadheve nuk do të mblidhet, por do të pritet copë copë , dhe shpresojë shumë mos të vijë puna deri aty.
Faleminderit për mirëkuptimin dhe bashkëpunimin.
Bashkësia Lokale e Fshatit Frëngovë
Kryetar: Egzon Xhaferri
