Vetura e tipit “Fiat Punto” dje ka dal nga rruga për në Katllanovë ku ka vdekur një shkupjan 25 vjeçar, transmeton Almakos.
Sipas informacioneve të policisë, aksidenti ka ndodhur në orën 18.44 në autostradën Shkup-Veles, para Katllanovës, kur vetura e tipit “Fiat Punto” me targa nga Shkupi e drejtuar nga S.T.(21) nga Shkupi, e ka humbur kontrollin dhe ka dal nga rruga.
Bashkë udhëtar në veturë kanë qenë M.T.(25),F.J.(18) dhe K.K.(25) të gjithë nga Shkupi. Është lënduar rëndë M.T., i cili me veturën e Ndihmës së Shpejtë është dërguar në Spitalin e Qytetit “Shën Naum Ohri”, por rrugës për në spital ka ndërruar jetë.
Nga ana e mjekut kujdestar në orën 19.30 është konstatuar vdekja. Është lënduar rëndë edhe K.K., ndërsa ka pasur lëndime të lehta F.J.
Kontroll në vendngjarje ka kryer ekipi i SPB-së në Shkup.
