Ziadin Sela: Koalicioni mes BDI-së e VMRO-së nuk ka pushuar asnjëherë

Për shkak të veprimeve identike të BDI-së dhe VMRO-së, në tentativë për bllokuar ndryshimin e Kodit Zgjedhor përmes dorëzimit të mijëra amendamendeve, të shumtë ishin ata që ngritën dyshime për bashkëpunim të fshehtë mes këtyre dy partive, që për 1 dekadë qeverisën bashkë vendin. Por, kryetari i Aleancës për Shqiptarët, Ziadin Sela, është i bindur se bashkëpunimi mes partisë së Ahmetit dhe VMRO-së nuk ka pushuar asnjëherë. Madje, ai i ka thënë gazetës LAJM, se ky koalicion ka qenë më i fuqishëm se kurrë, më 27 prill të vitit 2017, kur u përgjakën deputetët në Kuvend.