Pas mbledhjes së Këshillit të Sigurisë Kombëtare, presidenti serb Aleksandara Vuçiq i ka anuluar tubimet e sotme parazgjedhjore duke thënë se Serbia ndodhet në një situatë të rëndë.
“Kjo është një situatë shumë e rëndë për vendin. Do të shohim se çfarë do të ndodhë në takimin me përfaqësuesit e serbëve nga Kosova dhe Metohia”, citohet të ketë thënë Vuçiq në këtë mbledhje, sipas një burimi të gazetës serbe, Blic.
Danas shkruan se Vuçiq pritet të takohet sot me zyrtarë të Listës Serbe, të cilët nga Kosova do të shkojnë në Beograd, përcjell Gazeta Express.
Këto veprime në Serbi vijnë pasi nga Bashkimi Europian thanë se Kosova e ka refuzuar propozimin e shteteve të Quintit për formën e mbajtjes së zgjedhjeve serbe të 3 prillit edhe në Kosovë.
