E burgosura nga burgu i Idrizovës, Kata Trajkova, e cila ishte e sëmurë nga karcinom dhe dy muaj qëndronte në dhomën e burgut pa terapi dhe kujdes adekuat, dje ka vdekur në Spitalin e Gostivarit.
Dosie.mk merr vesh nga burimet e burgut, se ajo vet ka kërkuar ndihmë mjekësore. Pas disa orëve nga pranimi në spital iu është keqësuar gjendja dhe ka vdekur. Prokuroria ka dhënë urdhër për obduksion.
E vdekura ishte e burgosur në burgun e Idrizovës. Rreth vitit të ri është operuar nga karcinom dhe menjëherë është kthyer në burg në kushte joadekuate. Brenda për të janë kujdesur të burgosurat tjera.
Nga burgu i Idrizovës, pas publikimit të storjes së dosie.mk, Trajkovën e kanë dërguar në spital, por njëkohësisht për të është kërkuar edhe lëshim i përkohshëm nga burgu, kërkesë që është aprovuar menjëherë.
Burgu e ka vendosur në spital prej ku Trajkova ka refuzuar që të shkoj pa e ditur askush se ku është dhe çka bën.
Trajkova ka pasur sëmundje psikike për të cilën vërtetuan edhe ish drejtuesit e Idrizovës dhe është e paqartë se si ka mundur të nënshkruaj dokumente.
