Katër anëtarë të së njëjtës familje vdiqën në Tetovë nga COVID 19, konfirmon “Slloboden Peçat”, pêrcjell Struga Ekspres.
Të katër pacientët ishin nga e njëjta familje dhe sipas raportit të të njëjtëve, ata treguan se morën pjesë në një festë martese.
Tê katêr familjarê ndërruan jetë brenda një jave.
“Tani është pandemi. Duhet të ketë një alarm për mos grupim dhe duhet distancë kudo. Në vendin tonë, këto masa nuk respektohen dhe për fat të keq kemi një numër shumë të madh të vdekjeve. Shumica janë të dobët me imunitetin e trupit dhe gjithçka është gjenetike.
Kemi katër persona nga e njëjta familje që vdiqën këtë javë. Ata u infektuan në një dasëm dhe fatkeqësisht vdiqën. Personat janë nga e njëjta familje, jetonin në dy shtëpi pranë njëra -tjetrës dhe ishin në kontakt të vazhdueshëm.
Kur merret e gjithë historia e familjes, shihet se ata kanë sëmundje të trashëguara dhe gjenetikë të dobët. Ne gjithashtu kemi familje ku ata kishin një pamje klinike shumë të vështirë kështu që ata dolën nga spitali me rezultate të mira. Qytetarët nuk mbrohen, kanë imunitet të dobët dhe shumica janë të pavaksinuar. Ata ulen në grupe, nuk mbajnë maska dhe nuk janë të vaksinuar, tha doktoresha Miranda Pajaziti.(Struga Ekspres)
