Me çiklizëm nëpër rrugët e Strugës, qytetarët i bëjnë thirrje komunës të ndërtojë korsi biçikletash dhe hapësira parkimi për këto mjete transportuese. Arsyeja e kësaj është se vitin e kaluar pati dy aksidente me biçikleta që përfunduan tragjikisht.
“Unë gjatë gjithë kohës ngas biçikletë dhe kryetari i Strugës duhet të sigurojë subvencione për përdorimin e biçikletave”.
Qytetarët i kanë kërkuar kryetarit të Strugës Ramiz Merko që në vend se të investojë në makina të shtrenjta dhe gjëra të panevojshme në qytet, të ndërtojë korsi për biçikleta. Alsat u përpoq të merrte qëndrim nga kryetari Merko nëse dhe kur planifikon të ndërtojnë infrastrukturë të tillë, por ai nuk u përgjigj thirrjeve telefonike. Në Strugë vitin e kaluar, një korsi biçikletash u ndërtua përgjatë bulevardit kryesor Marshall Tito, por kjo nuk është e mjaftueshme për një qytet me 60,000 banorë.
