Thursday, April 25, 2024
Nabizi KUPA REKLAMONI KETU
trim2 REKLAMO KETU!
trim2
Nati-Trans4
REKLAMONI KETU!
REKLAMONI KETU!
HomeMaqedoniRrëshqitjet e dheut, problem për autostradën Kërçovë-Ohër

Rrëshqitjet e dheut, problem për autostradën Kërçovë-Ohër

Rrëshqitjet e dheut të shfaqura në trasenë e autostradës Kërçovë-Ohër do ta shtyjnë afatin e përfundimit. Gjithsej në 13 lokacione janë paraqitur rrëshqitje, të cilat sipas ministrit të transportit Bllagoj Boçvarski, janë probleme nga aspekti projektues dhe teknik.

“Konkluzioni unanim është se problemet janë teknike, të natyrës projektuese teknike dhe për ato probleme projektuese do të duhet të gjenden zgjidhje të reja teknike, të cilat do të kërkohen në periudhën e ardhshme për të shmangur të gjitha ato situata në terren.”- deklaroi Bllagoja Boçvarski – Ministër i Transportit.

Shteti do të vazhdojë të punojë në trasenë në periudhën e ardhshme, duke zgjidhur rrëshqitjet, por drejtori i rrugëve shtetërore Ejup Rustemi theksoi se ky është një shembull i keq se si është hartuar dhe zbatuar një projekt.

“Është rast tipik që nuk duhet të përsëritet asnjëherë që të ndërtojmë në një projekt të gabuar. Pikërisht është ky rasti ku ndërtojmë projektin e gabuar, në të cilin tashmë kemi arritur 85 përqind realizimin e tij, por na dalin punë të pakontrolluara. Duke pasur parasysh këto probleme, ne si ndërmarrje publike së bashku me Qeverinë vendosëm të ndërtojmë modelin e ndërtimit të autostradave. Ai model i ri është modeli i fidikut të modofikuar, në të cilin do të ndërtojmë me konsorciumin Bechtel Enka, me të cilin jemi të sigurt se në kohë më të shpejtë dhe më efikas do të kemi komunikacion më të mirë në të ardhmen”- deklaroi Ejup Rustemi – NP Rrugët Shtetërore.

Në pjesët e trasesë ku nuk ka probleme të reja punimet ndërtimore janë duke vazhduar, ndërsa në lidhje me kontratën me “Sinohydro” janë duke u negociuar për afate të reja zbatimi, për të cilat publiku do të informohet më tej tha Bocvarski. Lidhur me shpenzimet shtesë që mund të dalin, ministri Boçvarski dhe drejtori Ejupi përmendën se pas shfaqjes së rrëshqitjeve në trase fillimisht duhet të gjenden zgjidhje, e më vonë do të dihet nëse do të nevojiten mjete shtesë financiare.
Ky projekt ka filluar të ndërtohet në vitin 2013 ndërsa edhe pse kane kaluar 11 vite, autostrada ende është gati.

Ylli-Limar Butik Mili
REKLAMONI KETU!
Ylli-Limar
Butik Mili
RELATED ARTICLES

Most Popular

Recent Comments