Sunday, June 23, 2024
Nabizi KUPA REKLAMONI KETU
trim2 REKLAMO KETU!
trim2
Nati-Trans4
REKLAMONI KETU!
REKLAMONI KETU!
HomeMaqedoniReuters raporton për 45 viktimat e Maqedonisë së Veriut: Shqiptari përcolli për...

Reuters raporton për 45 viktimat e Maqedonisë së Veriut: Shqiptari përcolli për në banesën e fundit 10 familjarë

Qindra njerëz mes lotëve dhe dhimbjes u mblodhën në një varrezë fshati në Maqedoninë e Veriut në një shi të ftohtë të premten për të varrosur 10 banorë vendas, përfshirë tetë nxënës të shkollës, të cilët ishin midis 45 personave të vrarë në tragjedinë e ndodhur në Bullgari.

Autobusi, që transportonte turistë në Maqedoninë e Veriut pas një udhëtimi fundjave në Stamboll, mori flakë në një autostradë në orët e para të 23 nëntorit. Të gjitha viktimat janë identifikuar si shqiptarë etnikë nga Maqedonia e Veriut, shkruan Reuters.

Gabimi njerëzor ishte ndoshta shkaku kryesor i aksidentit, thonë hetuesit bullgarë. Arkivolët e gjelbër me 10 viktima u ulën në tokë në varrezat e fshatit Morane, të katër fëmijët e Enver Jahit, gruaja e tij, kunata me dy fëmijët e saj dhe dy fëmijët e njërës prej motrave të Jahi, të gjithë nga Morane.

Arlinda Vlashi, mësuesja e 11-vjeçarit Omer Jahi, i cili u varros pranë tre vëllezërve e motrave të tij dhe nënës së tyre, erdhi për të nderuar.

“Si mund të shkoj në klasë tani kur nuk e shoh atë?” tha ajo me lot.

“Unë isha mësuesja e re e Omerit kur ai filloi klasën e gjashtë në shtator. Ai ishte një djalë shumë i mirë, shumë i mençur, shumë i sjellshëm dhe përvetësonte shpejt”, shton ajo më tej.

Enver Jahi, i cili nuk shkoi në udhëtim për në Stamboll, sepse duhej të drejtonte restorantin e familjes, qëndronte duke qarë në shi, ndërsa varroseshin arkivolet, pasuar nga lutjet e hoxhës.

“Ky ishte një lajm shumë i keq për ne. Jo vetëm për mua por për të gjithë fshatin”, tha Nuredin Bajrami, një fqinj i familjes Jahi.

“Ne i njihnim shumë mirë, kishin edhe një restorant dhe njerëzit i vizitonin shumë shpesh. Ata ishin njerëz shumë të mirë”, shton ai.

Trupat e viktimave të tjera të rrëzimit mbërritën me dy avionë ushtarakë bullgarë të premten pasdite në aeroportin e kryeqytetit të Maqedonisë së Veriut, Shkup. Ata u varrosën në varreza të ndryshme në të gjithë gjatë pasdites.

Ylli-Limar Butik Mili
REKLAMONI KETU!
Ylli-Limar
Butik Mili
RELATED ARTICLES

Most Popular

Recent Comments