Një tragjedi ka ndodhur mbrëmë në lagjen Pintija në Shkup. Një djalë 8 vjeçar ndërroi jetë pas sulmit nga qeni shtëpiak të racës angleze Bullmastiff, përcjell TV21. Sipas burimeve, fëmija ka hyrë në oborrin e fqinjit ku përveç qenit që ka kafshuar, ka qenë edhe një qen tjetër. Qeni Mastif i vjetër 12 vjet, e ka sulmuar fëmijën dhe e ka kafshuar.
Nga kafshimi, fëmija ka pasur gjakderdhje të madhe. Menjëherë me veturë u dërgua në spitalin “Shën Naumi i Ohrit”, por për shkak të lëndimeve të rënda në pjesën e kokës dhe qafës dhe si pasojë e hemorragjisë së madhe në ndërroi jetë rrugës për në spital. Pronari i qenit dje në mbrëmje menjëherë u thirr në bisedë informative në stacion policor. Trupi është dërguar në obduksion dhe po ndërmerren masa për zbardhjen e rastit.
