Aleanca për Shqiptarët në Strugë ditëve të fundit ka realizuar një sërë aktivitetesh para fushatës për Zgjedhjet Presidenciale. Përveç procedurës së regjistrimit të anëtarësisë janë bërë edhe freskime në strukturat lokale me prurje të reja.
Së fundmi, nëndega më e madhe e Aleancës në Strugë, ajo e Qytetit rizgjodhi strukturat e saj. Këtë nëndegë në 4 vitet e ardhshme do ta drejtojë Profesori i nderuar, Nijazi Xhumkar, i cili u zgjodh unanimisht nga anëtarësia e nëndegës së qytetit. Përveç tij, në strukturat e nëndegës janë kyçur edhe figura tjera të rëndësishme dhe të respektuara ndër struganë, mes tyre profesorë, mjekë, biznesmenë, juristë e të tjerë.
Strukturat tona po fuqizohen përditë. Jemi e vetmja alternativë politike kombëtare që po rritet me hapa të shpejtë dhe po fiton besimin e qytetarëve nga dita në ditë.
