Para shtatë ditëve në Maqedoninë e Veriut kishte më pak se një mijë raste aktive me COVID-19.
Ndërsa sipas raportit të djeshëm, në vend numri i rasteve aktive është rritur në 3.135, që do të thotë se për një javë janë regjistruar 2.180 raste.
Dy ditët e fundit është rritur edhe numri i të vdekurve. Të martën kishte katër të vdekur, ndërsa dje u raportuan tetë pacientë të vdekur, që kanë qenë pozitiv për COVID-19.
Numri më i lartë i rasteve aktive është në Shkup (1053) dhe Tetovë (755).
Numri i përgjithshëm i të infektuave që nga fillimi i pandemisë në vend ka arritur në 159.269, prej të cilëve 150.613 janë shëruar, ndërsa 5.521 kanë ndërruar jetë.
