Policia e Strumicës ka ngritur kallëzim penal kundër ish kryetarëve të komunës së Novo Sellës dhe Vasilevës, ka njoftuar sot zëdhënësja e SPB Strumicës, Hrizantema Rendevska.
Sipas saj, ish kryetari i Novo Sellës B.V (54) dyshohet se ka kryer vepër penale “keqpërdorim të detyrës zyrtare dhe autorizimeve” dhe personit tjetër A.B (54) nga fshati Mokrinë, komunë e Novo Sellës, ndërsa kallëzim është ngritur edhe për firmën nga i njëjti fshat, transmeton Medial.mk.
Policia për gjashtë ditë po ashtu ka ngritur kallëzim penal edhe për ish kryetarin e komunës së Vasilevës V.S (51) për punësim të nëpunësit shtetëror pa arsimin adekuat.
