*Koncepti i ri i propozuar për reformimin e arsimit të mesëm është në diskutim publik dhe ministrja e Arsimit tha në një intervistë për Zërin e Amerikës se po prezantohet edhe shërbimi punë e dobishme për shoqëri për nxënësit, që do të duhet të organizohet nga shkollat, përcjell TV21. Për shkak të rënies së numrit të nxënësve në mbarë Maqedoninë, deri më tani janë mbyllur 50 shkolla. Ministrja bën të ditur se deri në fund të shkurtit do të ketë marrëveshje kolektive dhe nga marsi mësuesit do të kenë rritje pagash për 7%.
“Ata mund të pastrojnë dhe rregullojnë oborrin e shkollës, të bëjnë tavolina, të vendosin gjelbërim, të bëjnë aranzhime, ata mund të shkojnë në një shtëpi të të moshuarve për t’u lexuar të moshuarve në shtëpi të pleqve. Ata mund të shkojnë në spital, të ndihmojnë t’u lexojnë fëmijëve që janë në spital, t’i ndihmojnë në ushqimin e tyre dhe të përballen me jetën reale gjë që të rinjtë tanë tani nuk e kanë”, tha Vesna Janevska, ministre e Arsimit.
