Një shqiptar është plagosur nga të shtënat me armë zjarri që ka ndodhur Jacksonville Landing të Floridas, të dielën mbrëma, gjatë turneut të lojërave online – Madden.
Fituesi i videolojërave të vitit 2017 në Florida, Drini Gjoka, i cili jeton në Washington DC ka treguar përmes Twitter se ai ka qenë në turne dhe ka marrë një plumb në gisht të dorës.
19 vjeçari ka arritur të largohet ndërsa duke shkruar live në Twitter, e ka përshkruar ngjarjen si ditën më të keqe të tij.
“Dita më e keqe e jetës sime. Nuk do të marrë asgjë si të sigurt asnjëherë në jetë. Jeta mund të ndalet në një sekondë. Jam me fat. Plumbi goditi vetëm gishtin e madh të dorës sime”, është shprehur ai.
Ndërkohë deri më tani janë konfirmuar katër persona të vrarë në Florida.
Reuters raportoi se njëri nga të dyshuarit është gjetur i vdekur në skenën ku kanë ndodhur të shtënat në masë në Florida.
