Benzina dhe dizeli prej mesnatës do të lirohen për gjysmë denar për litër, vendosi sot Komisioni Rregullator për Energjetikë (KRE).
Me këtë vendim ulen çmimet rafinerike dhe të shitjes me pakicë të derivateve të naftës me një mesatare prej 3.13, përkatësisht me 1.83 për qind.
Çmimi i ri i shitjes me pakicë i EUROSUPER BS-95 do të jetë 61 denarë për litër, EUROSUPER BS-98 do të shitet për 63, EURODIZEL (D-EV) për 58, dhe Vali ekstra i lehtë për amvisëri për 46.5 denarë për litër.
Me vendimin e KRE-së për 1.861 denarë për kilogram ulet edhe çmimi i shitjes me pakicë të mazutit M-1 HC dhe tani do të arrijë 28,176 denarë për kilogram.
Si arsye për reduktimin e çmimeve të shitjes me pakicë të derivateve të naftës nga KRE-ja, ata përmendin çmimin më të ulët të naftës së papërpunuar në tregun botëror në 14 ditë të kaluara dhe uljen e kursit të dollarit për 0,02 për qind kundrejt denarit.
