Kupa
Loris
Dhoma-Energy Reklamo ketu!
Kurti: Reciprociteti është vendosur
Kosovë, Slider

Kurti: Reciprociteti është vendosur

Kryeministri i Kosovës Albin Kurti, ka reaguar pas arritjes së marrëveshjes në Bruksel për targat dhe situatën në veriu për targat, shkruan Alsat.
Ai nëpërmjet një shkrimi në Facebook, ka thënë se në bazë të kësaj marrëveshje, është arritur reciprociteti, derisa ka thënë se pas kësaj fillon epoka kur Serbia nis e mësohet me këtë.
“Reciprociteti i targave të automjeteve është vendosur. Meqë targave të Republikës së Kosovës në Serbi do t’iu mbulohet simboli shtetëror, të gjitha targave të Serbisë pa dallim do t’iu mbulohet po ashtu simboli i tyre në territorin e shtetit tonë. Njësia Speciale e Policisë së Kosovës ka shkuar në Jarinje dhe Bërnjak më 20 shtator për të mbrojtur vendkalimet dhe policinë kufitare nga bllokuesit e rrugëve dhe qarkullimit të lirë. Meqë ata do të largohen, njësia jonë speciale nuk ka pse qëndron atje, dhe mbetet gjithnjë e gatshme për ndërhyrje në çfarëdo cenimi të njëjtë apo të ngjashëm në të ardhmen. Natyrisht, policia jonë kufitare në vijim do të zbatojë reciprocitetin e targave. KFOR-i do të qëndrojë aty, rreth dy javë, që gjithçka të jetë e sigurt.
Në javën e shkuar, Presidenti i Serbisë vuri katër kushte për takimin në Bruksel të përfaqësuesve tanë. Natyrisht që nuk ju plotësuan ato dhe dje u zhvilluan bisedimet në Bruksel. Tash fillon epoka kur Serbia nis e mësohet me reciprocitet”, ka shkruar ai./ Alsat.mk

September 30, 2021

Struga Ekspres