Këngëtari strugan Guximtar Rushani dhe këngëtarja e njohur nga Tetova Elita Ziberi kanë publikuar këngën dhe klipin e tyre më të ri që mban titullin “Po t’jemi bashkë ne të dy”.
Bëhet fjalë për një këngë të vjetër shkodrane e cila është përpunuar dhe orkestruar me mjeshtëri nga muzicienti dibran që jeton dhe vepron në Norvegji Atdhe Marku. Kurse realizimi i videoklipit vjen si rezultat i punës së palodhshme të Vullnet Ibraimit dhe audio dhe video produksionit të tij “BOEN Production”.
Këngëtarët në fjalë tregojnë se janë shumë të kënaqur nga realizimi i këtij bashkëpunimi, duke e ditur që tregut muzikor shqiptar i sjellin një përpunim të mirë realizuar të një këngëje të vjetër dhe të dashur për publikun shqiptar anë e mbanë.
Pritet që ky klip dhe kjo këngë të pranohet ngrohtësisht nga publiku shqiptar.(Struga Ekspres)
