Rruga Kërçovë-Ohër, e cila ende është në ndërtim e sipër e që premtimi i fundit është se do të jetë gati deri në fund të këtij viti, pothuajse çdo ditë është prekur nga aksidente trafiku, shumë të lënduar dhe shumë viktima.
Tashmë kemi hyrë në shtator, që do të thotë se kanë mbetur më pak se katër muaj deri në fund të vitit, pra deri në afatin e shpallur për përfundimin e punimeve. Duke marrë parasysh faktin se dalëngadalë po vjen një periudhë e vitit kur është e mundur edhe përkeqësimi i kushteve atmosferike që do të zvogëlojë afatin kohor për kryerjen e punimeve, shtrohet pyetja nëse do të përfundojnë punimet e paralajmëruara.(Struga Ekspres)
