Një punonjës i Starbucks ka trajtuar keq një burrë të pastrehë dhe sjellja e tij s’u ka pëlqyer fare klientëve të kafeterisë së njohur.
Incidenti është filmuar dhe më pas është publikuar në mediat sociale ku ka marrë një numër të madh komentesh.
Në pamjet e filmuara duket një punonjës i Starbucks ndërsa i kërkon burrit të pastrehë që të largohet nga ambientet e kafenesë. Edhe pse e kishte të paguar vaktin që po hante.
Baristi dëgjohet të thotë:
Po, ai mund të hajë diku tjetër.”
Ndërkohë, personi që filmonte dëgjohet të thotë:
Por, ushqimi është i paguar.”
Gjithsesi, punonjësi i Starbucks vazhdon të këmbëngulë që burri nuk mund të rrijë në ambientet e biznesit.
Burri që i kishte blerë të pastrehut ushqimin vazhdon më tej:
Ushqimi është paguar dhe ai po e ha, ku qëndron problemi? A është njëri? Ai po ha dhe ju nuk mund t’i kërkoni që të largohet, lëreni ta mbarojë ushqimin dhe pastaj mund të largohet. Ku qëndron problemi.”
Në momentin e incidentit, i pastrehu ishte i ulur në një nga tavolinat e jashtme në Southend, Essex.
Sipas The Sun, ushqimi ishte paguar nga Sajid Kahhllon, i cili e pa të pastrehun teksa hante ushqimet që linin të tjerët në tavolinë.
Kahhllon tha për mediat:
I bleva një sanduiç dhe një kek me çokollatë që shkonin 8.45 paund që të hante tamam. Por ndërkohë që ai hante drekën e paguar, një person nga stafi erdhi bashkë me një oficer sigurie dhe i kërkoi që të largohej.”
