Instituti IRI (Insituti Ndërkombëtar Republikan) ka dal me një anketë të re për muajin tetor.
Në pyetjen se “Nëse nesër mbahen zgjedhje parlamentare, cila parti politike është më e preferuara, 19 % do të votonin për VMRO-DPMNE,11 % për LSDM, që pëson një rënie të madhe.
Ndërkohë, tek partitë shqiptare, BDI ruan rejtingun 7%, pas saj radhitet ASH me 5%, dhe Lëvizja BESA me 4%. Alternativa ka 1%, derisa rritje tek partitë maqedone ka Levica me 6%.
Sa i përket liderëve politik dhe politikanëve, kryeson ish-kryeministri Nikolla Gruevski me 7%, si lideri më i përzgjedhur.
Gruevski pasohet nga lideri i opozitës Hristijan Mickoski dhe lideri i BDI-së në pushtet, Ali Ahmeti me nga 6%.
Dimitar Kovaçevski me 5%, Dimitar Apasiev dhe Stevo Pendarovski me nga 3%.
Bilall Kasami radhitet me 3% dhe Ziadin Sela pas tij me 2%. Zoran Zaev me 2%.
Sondazhi i IRI u realizua nga Brima në një kampion përfaqësues prej 1207 të anketuarve, në periudhën nga 23 shtatori deri më 13 tetor.
