Garanci bankare më shumë të caktuar, nënshkrim për garancën financiare dhe blanko dorëheqje të funksionit deputet, janë tre vulat me të cilat është kushtëzuar “lojaliteti” i deputetëve të koalicionit qeveritar të udhëhequr nga VMRO-DPMNE, shkruan Dojçe Vele, transmeton “Lajmpress”.
“Unë kam nënshkruar garanci 300 mijë denarë. Atë shumë e ka garantuar partia. Sipas tyre aq vlejnë harxhimet për fushatën time zgjedhore. Nuk të japin kohë të mendosh. Të lajmërohen dhe të thërrasin. Më thanë të shkojë në ora 23, para kalimit të afatit për përfundimin e listave zgjedhore. Nëse nuk shkon në kohën e caktuar donë të thotë se je tërhequr nga kandidimi dhe nuk të vendojnë në listë” kështu ka sqaruar deputeti, që ka dashur të mbetet anonim, duke theksuar se kësi lloj principi është praktikuar edhe në listat për këshilltarë në zgjedhjet lokale por me shuma më të vogla.
Sipas tij, nëse deputeti dorëhiqet nga lojaliteti ndaj partisë, me garancinë është i detyruar menjëherë t’i kthejë paratë, në të kundërtën ballafaqohet me padi.(Almakos)
