Tuesday, May 21, 2024
Nabizi KUPA REKLAMONI KETU
trim2 REKLAMO KETU!
trim2
Nati-Trans4
REKLAMONI KETU!
REKLAMONI KETU!
HomeMaqedoniInjorohet opozita shqiptare, reagon BESA dhe Aleanca për Shqiptarët (VIDEO)

Injorohet opozita shqiptare, reagon BESA dhe Aleanca për Shqiptarët (VIDEO)

Shefat janë në udhëtim zyrtar dhe për këtë shkak nga Ministria e Punëve të Jashtme nuk mund të japin përgjigje përse në takimin koordinues të djeshëm nuk ishin të thirrur edhe përfaqësues të opozitës shqiptare. Thirrje deri në momentin e fundit ka pritur kryetari i Lëvizjes Besa, Bilall Kasami.
“Kemi pritur deri në momentin e fundit se ndoshta do të reflektojnë që edhe shqiptarët të jenë të përfaqësuar në këtë debat që po zhvillohet rreth çështjes së emrit duke ditur që BDI nuk i ka votat e shqiptarëve dhe shumica e votave të shqiptarëve janë tek opozita në këtë rast, Besa dhe Aleanca.Po e shohim që deri në momentin e fundit nuk ka një reflektim të tillë dhe për këtë çështje do të dalim me një komunikatë të veçantë”, tha Bilall Kasami, kryetari i Lëvizjes Besa.
E në komunikatë thuhet:

“Ne e kuptojmë faktin se çdo parti politike maqedonase qoftë ajo LSDM apo VMRO-DPMNE e kanë më të lehtë që të thërrasin në takime BDI-në pasi që e dinë shumë mirë rolin e statistit të kësaj partie në këto procese kaq të rëndësishme për të ardhmen e qytetarëve të Maqedonisë. A është kjo edhe një dëshmi se pala maqedonase çdoherë do të zgjedhë partinë më të dëgjueshme dhe jo atë që përfaqëson me vota shqiptarët e Maqedonisë?”.
Nëse në këtë takim ka qenë i ftuar kreu i opozitës Maqedonase, Hristijan Mickovski, nga Aleanca për Shqiptarët janë të mendimit se në këtë takim duhej të ishte prezent edhe kreu i partisë, Ziadin Sela.

“Aleanca për Shqiptarët duhej të ishte e ftuar në këtë tryezë të përbashkët. Ka qenë praktikë e deritanishme qe forca opozitare te jetë e përfshirë në bisedime, aq më tepër kur ka qene i ftuar lideri i opozitës maqedonase Mickov, duhej të ishte edhe Lideri i ASH, Ziadin Sela. Tanimë është krijuar traditë e përfshirjes së liderëve me relevancë politike, ashtu ndodhi në Marrëveshjen e Ohrit, të Përzhinos, dhe e njëjta duhet të ndodhë edhe në bisedimet për gjetjen e zgjidhjes se kontestit të emrit me Greqinë”, nga Aleanca për Shqiptarët.

Nga Lëvizja Besa dhe Aleanca për Shqiptarët shpresojnë se do të thirren në takimet e radhës, kurse i bëjnë thirrje kreut shtetëror që të ndryshojnë qasjen, që ata e quajnë selektive, ndaj proceseve të rëndësishme politike për të ardhmen e vendit./Express/
https://youtu.be/VATmfbAL69I

Ylli-Limar Butik Mili
REKLAMONI KETU!
Ylli-Limar
Butik Mili
RELATED ARTICLES

Most Popular

Recent Comments