Dita-ditës po zbulohet teknologjia amerikane e spiunimit. Të dhënat e reja tregojnë se FBI me vite ndez fshehtë kamerat në çdo kompjuter, ndërsa drita nuk aktivizohet dhe përdoruesi nuk e di se ajo po punon.
“Agjencia këtë lloj spiunimi e përdorte në rastet që ndërlidhen me terrorizmin dhe krimin e lartë”, thotë Markus Tomas, ish zëvendësdrejtor i divizionit për teknologjinë operative, raporton Washington Post.
Në rastin e koduar “Mo”, që kishte të bënte me kërcënimet e shumta me bombë, FBI ka krijuar “malware” për monitorim që instalohej përmes Yahoo Mail-it të të dyshuarit. Këto programe mund të përdoren për marrje të materialeve nga kompjuteri i të dyshuarit apo aktivizim të kamerës.
Megjithatë, pavarësisht nga fakti që FBI kërkonte urdhra të gjykatës për operacione të tilla, shumë njerëz janë shqetësuar për shkatërrimin e jetës private që kohëve të fundit është çdo herë e më e dukshme.
